Бүгін Baitursynuly University ауылшаруашылық ғылымдары факультетінде жылы әрі есте қаларлықтай тамаша мереке өтті! Студенттер ветеринарлық медицина кафедрасының аға оқытушысы Жүрсін Сыздықовтың 63 жылдығы мен зейнетке шығуына орай концерт ұйымдастырды.
Олар осындай ерекше шығармашылық тәсілмен өздерінің мамандықтарына деген қызығушылықтарын оятқан адамға алғыстары мен құрметін білдірді.
Жүрсін Сурагановичті құттықтауға басқа да кафедралардың студенттері келді. Шынымен де, ол кісіні студенттер қатты жақсы көреді. Ол әрқашан көмек көрсетеді, бағыттайды және қолдайды.
Жүрсін Сурагановичтің шәкірттері республикалық студенттік олимпиадаларда тұрақты түрде жүлделі орындарға ие болып, Қазақстан Республикасының Білім және ғылым министрлігі атынан грамоталар мен дипломдар алғаны көбіне мәлім.
Оқытушы ветеринарлық мамандарды «Серпін» бағдарламасы бойынша даярлауға үлкен үлес қосты. Оның көптеген түлектері әлі күнге дейін ұстазымен байланысқа шығып, кеңес сұрауға немесе жай әңгімелесуге қоңырау шалады.
Жүрсін Сурагановичті әріптестері де жылы лебіздермен құттықтап, кәсіби бағыт беру жұмысында оған тең келетіндері жоқ екенін атап өтті. Мерейтой иесі үнемі аудан, қала, сондай-ақ еліміздің оңтүстік аймақтарына барып тұратын. Ол ветеринар мамандығы туралы қызықтырып айтатыны сонша, кейбір мектеп оқушылары бірден мамандықтарын және университеттерін сол жерде таңдайтын еді.
Туған күніңізбен, Жүрсін Сураганович! Жаңа өмір жолыңыз ерекше қызыққа толы болсын!
