Бүгін ҚР Ғылым және жоғары білім министрінің кеңесшісі Руслан Емелбаев іскерлік сапармен ҚӨУ-не келді.
Baitursynuly University ректоры Сейтбек Қуанышбаев министр кеңесшісін ҚӨУ қабылдау комиссиясының жұмысымен таныстырды.
Руслан Тоқтарбекұлы сапар барысында мұндағы жауапты хатшылар, консультанттар, онлайн-қызметі жұмыс жүйесінің қалай ұйымдастырылғанын көрді.
Абитуриенттер мұнда құжаттарын тапсырып, консультация алады.
Қолайлылық үшін электрондық кезек әрекет етеді. Өзіне өзі қызмет көрсету залында құжаттардың барлық сандық көшірмесін жасауға болады.
Гранттар конкурсына құжат тапсыру кезеңінде (шілденің 13-нен 20-ы аралығы) ҚРУ қабылдау комиссиясы үзіліссіз және демалыссыз жұмыс істейді.
