Бүгін А.Байтұрсынов атындағы ҚӨУ-нің SMART-орталығында «Цифрландыру ұлттық бәсекеге қабілеттілікке қол жеткізудің негізгі құралы ретінде» тақырыбына «QazTalks» азаматтық қоғамның ашық конференциясы өтті. Бұл сұхбат алаңына ықылас білдіргендердің барлығы қатыса алады. Ол студент немесе кәсіпкер және үкіметтік емес ұйымдардың өкілдері болуы мүмкін.
Конференцияның негізгі міндеті - қазіргі қоғамның даму тенденцияларын жеткізу және жеке тұлғаның үнемі жетілуіне серпін беру.
Іс-шараның спикерлерінің қатарында А.Байтұрсынов атындағы ҚАУ доценті, техника ғылымдарының кандидаты, Қашықтықтан оқыту және біліктілікті арттыру институтының директоры Азамат Жикеев болды.
