А.Байтұрсынов атындағы ҚӨУ-нің «Серпін» оқу бағдарламасының түлектерін жұмысқа орналастыру мақсатында «СарыарқаАвтоПром» ЖШС өкілдерімен онлайн-әнгімелесу өтті. Іс-шараны А.Байтұрсынов атындағы ҚӨУ-нің Мансап және жұмысқа орналастыру орталығы арнайы «Серпін» бағдарламасын Технологиялық машиналар мен жабдықтар, Көлік, көліктік техника және технологиясы, Ауылшаруашылық техникасы және технологиясы мамандықтары бойынша тәмамдаған түлектермен ZOOM платформасында ұйымдастырды. Онлайн-кездесуге Қостанай облысында кемінде үш жыл жұмыс істеуге тиісті 2020 жылғы түлектер қатысты.
«СарыарқаАвтоПром» ЖШС - отандық автокөлік өндірушісі, оның шеңберінде дәнекерлеу, сырлау және шанақтарды құрастыру жұмыстары жүзеге асырылатын, өнеркәсіптік құрастыру талаптарына жауап беретін Қазақстандағы жалғыз зауыт. «СарыарқаАвтоПром» ЖШС - бұл шағын түйіндер әдісі (CKD) бойынша жеңіл автокөліктер шығаруды бастаған, сондай-ақ көлік құралдарының барлық түрлерін шығаратын, Қазақстан Республикасы аумағындағы алғашқы және жалғыз өндірістік алаң. Бүгінгі таңда шығарылатын өнім ассортименті келесі брендтермен ұсынылған: JAC, Ankai, Yutong, Peugeot, Hyundai, Ravon, Niva Chevrolet, UAZ, MAN. Дилерлік орталықтар Қазақстан Республикасының барлық аймақтарында ұсынылған.
Сұхбатты «СарыарқаАвтоПром» ЖШС кадрлар бөлімінің бастығы Әлібек Құсайынов жүргізді. Түлектер өздерінің түйіндемелерін және қысқа өзін-өзі таныстыруларын дайындады.
