Бүгін, 5 қыркүйек Алаш қайраткерлерінің бірі, жазушы, ақын, публицист, әрі полиглот, әдебиеттанушы ғалым, лингвист, мемлекет және қоғам қайраткері - Ахмет Байтұрсынұлының туған күні.
Дәл осы күні Ахмет Байтұрсынұлының құрметіне орай Қазақстан халқының тілдер мерекесі де аталып өтілуде.
Айтулы күнге орай Ахмет Байтұрсынұлы атындағы Қостанай өңірлік университетінде ескерткішке гүл шоқтарын қою рәсімі өтті.
Шараға оқу ордасының басшылары, студенттері сонымен қатар Ахмет атамыздың ұрпағы, Ахмет танушы Ибрахим Ағытай қатысты.
Жиналған қонақтар студенттерге арналған жылы лебіздерін білдіріп, Ахмет Байтұрсынұлы туралы естеліктерімен бөлісті. Жиын соңында өлең шумақтары оқылып, концерттік бағдарламамен аяқталды.
