ҚӨУ педагогикалық институтының студенттері соғыс ардагерлерімен кездесті.
Мақсат – жастарға ардагерлердің ерлігін көрсетіп, олардың өмір жолын түсіндіру, жүректеріне құрмет пен алғыс ұялату, бейбіт өмірді сақтауға деген жауапкершілік сезімін ояту.
Кездесуді физика, математика және цифрлық технология кафедрасының бірінші курс студенттері ұйымдастырды. Жетекшілері – оқытушы Женискул Демисенова мен профессор Айбек Шалғымбеков.
Қатысушылар – педагогикалық институт кафедраларының студенттері мен ҚӨУ оқытушылары.
Кездесуге түрлі буын және әскери бағыттағы ардагерлер шақырылды.
Қасымхан Алдабергенов биыл 100 жасқа толды. Ол Ұлы Отан соғысының қатысушысы, десантшы, Венгрия, Австрия және Чехословакияны қорғау шайқастарына қатысқан.
Ауған соғысының ардагерлері – Анатолий Харченко, Сәуле Ержанова, Сабит Таставлетов. Олар естеліктерімен бөлісіп, студенттердің сұрақтарына жауап берді.
– Сіз үшін ең маңызды қасиет?
– Достық пен бауырмашылық. Біз бір отбасы сияқты болдық. Офицерлер бізге әрқашан адамгершілікпен қарап, қолдау көрсетті.
– Соғыс әйелге арналмаған дейтіндер бар, сіз қалай ойлайсыз?
– Жоқ. Соғыста ешкімнің жынысына қарай бөлінбейді. Полковник үнемі: «Бұл жерде әйел деген ұғым жоқ – бәріңіз теңсіздер» деп айтатын.
Сәуле Ержанованың студенттерге айтқан ақжарма сөздері ең әсерлі болды:
– Сіздерді көргенде Ауғанстан мен біздің жігіттерімізді еске аламын… дәл осындай жас еді… Бір ғана айтарым бар: оқыңыздар, алға ұмтылыңыздар, абыроймен жүріңіздер. Сіздер – біздің болашағымыз бен мақтанышымыз.
Іс-шараға дайындық барысында студенттер Қостанай ардагерлерімен бірнеше кездесу өткізді: видеолар түсірді, фотосуреттер жасады, тарихи деректер жинап, презентациялар дайындады.
Нәтижесінде шынайы, өміршең естеліктер мұрағаты пайда болды.
Кездесу қаза болғандарды ұлықтап, бір минуттық үнсіздікпен түйінделді.
