НӘТИЖЕЛЕР таңқалдырады. ЖОСПАРЛАУ жаңа мүмкіндіктерге жол ашады.

Baitursynuly University ректоры Сейтбек ҚУАНЫШБАЕВ 2023-2024 оқу жылының қорытынды есебін өткізіп, университет ұжымы жұмысының нәтижелерін сараптап, болашаққа қойған жоспарларын жариялады.

Сейтбек Бекенұлы өз сөзін университеттің негізгі жетістіктерін тізбектеуден бастады. Олардың ішінде:

• студенттер контингентінің 10,3%-ға артуы (жалпы саны - 8 362 адам);
• «Атамекен» ҚР ҰКП рейтингінде ҚӨУ-дің 2 білім беру бағдарламасы – бірінші орында, 12 бағдарлама – үздік үштікке, 27 бағдарлама – үздік ондыққа кірді;
• жобалар бойынша гранттық қаржыландырудың саны 16,8%-ға өсті;
• қос дипломды бағдарламалардың қатары тағы екі бағдарламамен толықтырылды: 7М08101 Агрономия (Солтүстік-Батыс ауыл шаруашылығы және орман шаруашылығы университеті, ҚХР) және 6B06104 Computer science (University of Minnesota Morris, АҚШ). 2025 жылдан бастап Dong-Eui университетімен (Оңтүстік Корея) қос дипломды бағдарламасын іске асыру туралы келісімшартқа қол қойылды.

Келесі жылы университет осы бағыттар бойынша жұмыстарын жалғастырады. Алда тұрған негізгі міндеттер:

• қос дипломды бағдарламалар бойынша тұрақты контингент қалыптастыру;
• білім беру интернационализациясын жүзеге асыру бойынша ұзақ мерзімді кешенді жол картасын әзірлеу.

Бұл әлемдік білім беру нарығында өз позициямызды нығайтуға және студенттеріміздің жаңа елдерге барып, биік белестерді бағындыруларына жаңа мүмкіндіктер береді.