Жаңа оқу жылының Ғылыми кеңесінің алғашқы отырысы жағымды жаңалықтардан басталды. Конституция күніне орай және көп жылғы адал еңбегі үшін ҚР Ғылым және жоғары білім министрі Саясат Нұрбек А. Байтұрсынов атындағы ҚӨУ-нің бірқатар қызметкерлеріне құрмет грамоталары мен алғыс хаттар жолдады.
Айта кетсек, Қазақстан Республикасының білім және ғылым саласын дамытуға үлес қоса отырып, өркендеу жолында атқарған абыройлы еңбегі мен адал қызметі үшін құрмет грамотасымен қауымдастырылған профессордың міндетін атқарушы Хакімова Гүлнар Еркінқызы және дәл осындай құрмет грамотасымен мектепке дейінгі білім беру кафедрасының меңгерушісі Ли Елена Дмитриевна марапатталды.
Қазақстан Республикасының білім және ғылым саласын дамытуға үлес қоса отырып, өркендеу жолында атқарған абыройлы еңбегі мен адал қызметі үшін алғыс хатымен А. Айтмұхамбетов атындағы инженерлік және техникалық институты директорының міндетін атқарушы Калаков Берген Абитұлы, дәл осындай алғыс хатпен ауыл шаруашылығы институтының директоры Нұғманов Алмабек Батыржанұлы және қауымдастырылған профессордың міндетін атқарушы, филология ғылымдарының кандидаты Қанапина Сәуле Ғалымбекқызы марапатталды.
Сонымен қатар, Қазақстан Республикасының ғылым саласындағы ерекше еңбегі үшін «Ғылымды дамытуға сіңірген еңбегі үшін» төсбелгісімен әлеуметтік-гуманитарлық пәндер кафедрасының профессоры, тарих ғылымдарының докторы Айтмухамбетов Айдар Абайұлы марапатталды.
Сондай-ақ, ғылыми кеңесте философия докторы Рүстем Бейшовқа Диплом табыс етілді.
Әріптестерімізді шын жүректен құттықтай отырып, алдағы уақытта да еңбектерінің жемісін көріп, биік белестерді бағындыра берулерін тілейміз!
