Baitursynuly University оқытушылары мен қызметкерлерінен жалынды сәлем!
Студенттер демалыста болғанда, ұстаздар жаңа семестрге тек рухани емес, сонымен қатар физикалық тұрғыда да дайындалуда. Қызметкерлер мен оқытушылар арасындағы спартакиада ең мықты, батыл және жігерлі жандарды жинады.
- Баршаңызды нағыз спорт мерекесімен құттықтаймын! — деп, спартакиаданың салтанатты ашылуында Baitursynuly University ректоры Сейтбек ҚУАНЫШБАЕВ құттықтау сөзін сөйледі. — Біздің университет республика мен халықаралық аренада жеңіске жеткен мықты спортшыларымен танымал. Ұстаздар мен қызметкерлеріміз де сол спортшыларға сай болуға тырысып жатқандарының өзі қатты қуантады!
Спартакиада шахмат пен шашка турнирлерінен басталды. Келесі кезекте - дартс, мини-футбол, волейбол, стритбол және бадминтон жарыстары.
Алғашқы жеңімпаздарды құттықтаймыз! Қалған қатысушыларға сәттілік тілейміз!
