А.Байтұрсынов атындағы Қостанай өңірлік университетінің профессоры, белгілі ақын, жазушы, драматург, көсемсөзші-журналист, Махмұт Қашқари атындағы түркі әлеміне сіңірген еңбегі үшін халықаралық сыйлықтың, «Алаш» халықаралық әдеби сыйлығының лауреаты, Мұхаммед Хайдар Дулати атындағы халықаралық әдеби сыйлықтың иегері және «Алтын қалам» әдеби жүлдесінің жеңімпазы Ақылбек Шаяхмет ҚР Мәдениет және спорт министрлігінің Тұңғыш Президент күніне орай ұйымдастырған «Балаларға арналған үздік шығармалар» байқауында бірінші орынды жеңіп алды. Алматыда Кітап палатасыда өткен марапаттау шарасында ақынға Мәдениет және спорт министрі Ақтоты Райымқұлова қол қойған диплом және сертификат табыс етілді.
Ақынның ғылым жолындағы еңбегі де еленді. Биылғы жылдың қортындысы бойынша ол «Bilim-orkeniet» ұлттық инновациялық ғылыми-зерттеу орталығы ұйымдастырған «Қазақстанның құрметті педагогы» республикалық байқауының жеңімпазы атанды.
Ақылбек Қожаұлын құттықтаймыз! Еңбегіңіз елене берсін!
