Әлеуметтік-гуманитарлық ғылымдар факультетінде журналистика және коммуникациялық менеджмент және психология кафедралары ұйымдастырған олимпиада өтті. Басты мақсат – мектеп оқушыларының назарын журналист және психолог мамандығына аудару.
Олимпиада бірнеше кезеңнен тұрды. Олардың әрқайсысы бірнеше номинацияларды қамтыды. «Журналистика» бағытында эссе байқауы, фоторепортаж, бейнеролик, ал «Психология» бағытында – эссе және фильмдерді талдау.
Олимпиада оқушылар арасында үлкен қызығушылық тудырды, Арқалық және Рудный қалаларының, сондай-ақ Денисов ауданының оқушылары байқауда белсенділік танытты. Байқауға барлығы 37 жұмыс келіп түсті.
Олимпиада қорытындысы бойынша «Журналистика» бағытында келесі номинанттар атап өтілді. «Үздік фоторепортаж» номинациясында үздік жұмыстарды Арқалық қаласындағы Ы.Алтынсарин атындағы гимназия оқушысы Анжелика Дзюба (жетекшісі Сания Рахимова) және Қостанайдан Әділет Есеев ұсынды. «Эссе» номинациясы бойынша орындар келесідей бөлінді: Денисов ауданының білім бөлімінің Қырым жалпы білім беретін мектебінің оқушысы Жан Қаратаев (жетекшісі Жанна Журтукова) бірінші орынға ие болса, екінші орынды Арқалық қаласының Ы.Алтынсарин атындағы мектеп-гимназиясының оқушысы Құралай Сағандықова (жетекшісі Елена Сысоева) иеленді. №13 Рудный жалпы білім беретін мектебінің оқушысы Айжан Бүркітбаева (жетекшісі Ұлпан Жүсіпова) және Қостанай индустриалды-педагогикалық колледжінің студенті Әділет Есеев (жетекшісі Индира Бегеманова) ІІІ орынды қанжығасына байлады.
Үздік бейнероликтер байқауында Ы. Алтынсарин атындағы мамандандырылған мектеп-гимназия интернатының оқушысы Азиза Искакованың жұмысы үздік деп танылды (жетекшісі Умиртаева Гүлмира Аусбайқызы).
«Психология» бағытында Қостанай және Арқалық қалаларының оқушылары жоғары нәтиже көрсетті. І орынға Арқалық қаласындағы Ы.Алтынсарин атындағы мектеп-гимназиясының оқушысы Алма Фазыловова (жетекшісі Сәуле Сұлтыбай) және Қостанай қаласындағы Ы. Алтынсарин атындағы Ы. Алтынсарин атындағы мамандандырылған мектеп-гимназия интернатының 9 сынып оқушысы Наргиз Сердали (жетекшісі Гүлмира Өміртаева) ие болды.
Екінші орынды Нұржан Наушабаев атындағы мектеп-гимназиясының оқушылары Ерік Елқара (жетекшісі Қаламқас Құлахметова) және Қостанай ауданының білім бөлімінің Майкөл жалпы білім беретін мектебінің Алина Зайбуллаева (жетекшісі Әлия Беремжанова) жеңіп алды.
Ал Арқалық қаласындағы Ы.Алтынсарин атындағы мектеп-гимназиясының оқушысы Азиза Байдеш пен Қостанай ауданы Константиновка негізгі орта мектебінің оқушысы Карина Заремба (жетекшісі Наталья Воропаева) III орын алды.
Барлық жүлдегерлер құны 5000 (I орын), 3000 (II орын), 2000 (III орын) тұратын «Marwin» кітап дүкенінің сертификаттарымен марапатталды, жүлделердің жалпы сомасы - 45 мың теңге. Белсенділік танытқан қатысушыларға арнайы сертификаттар, жетекшілеріне алғыс хаттар табысталды.
