Қостанай, 2025 жылы (ақпан айының басы) — Ахмет Байтұрсынұлы атындағы Қостанай өңірлік университеті базасында «AMANAT» партиясының «Қарызсыз қоғам» жобасы аясында жүзеге асырылып жатқан Жол картасының кезекті кезеңі басталды. 1–2 курс студенттері «Қаржылық сауаттылық негіздері» курсын өтуде.
Бағдарламаның мақсаты — жастарды жеке қаржыны басқару, бюджетті жоспарлау және қаржылық құралдарды жауапкершілікпен пайдалану бойынша практикалық біліммен қаруландыру. Бұл қазіргі экономикалық жағдайларда аса маңызды. Оқытуды Экономика және құқық факультетінің сертификатталған оқытушылары, сондай-ақ «Ұлы Дала» Ауыл бизнесін дамыту ассоциациясы» ҚБ қаржы сарапшылары жүргізуде.
«Қарызсыз қоғам» жобасы «AMANAT» партиясының бастамасымен қолға алынған және халықтың қаржылық мәдениетін арттыруға, оқыту мен практикалық сабақтар арқылы қарыз жүктемесін азайтуға бағытталған. Жоба аясында еліміз бойынша жүздеген мың қазақстандық қамтылып, 2025 жылдың басына дейін қаржылық сауаттылық курстарынан 780 000-нан астам адам өтті.
Университеттегі жаңа кезеңнің ерекшелігі - бірінші-екінші курс студенттерін толық қамтуды қамтамасыз ете отырып, барлық факультеттер үшін оқыту ұйымдастырылды. Әр студент мамандығына қарамастан, қаржылық білім мен дағдыларды меңгеруге мүмкіндік алады. Бұл оларға қаражатын тиімді басқаруға, шығындарын жоспарлауға және шамадан тыс қарызға батудан сақтануға көмектеседі.
Оқытушылар мен ұйымдастырушылар курс мазмұнының өзектілігі мен практикалық маңыздылығын ерекше атап өтуде. Әсіресе қаржы нарықтарындағы тұрақсыздық пен халықтың қарыз жүктемесінің артуы жағдайында мұндай білімнің маңызы зор. Осындай білім беру іс-шараларын оқу жылы бойы университеттің әр факультетінде өткізу жоспарланып отыр. Бұл студенттер арасында қаржылық сауаттылықтың берік негізін қалыптастыруға мүмкіндік береді.
НУрахметова Г.С., сертификатталған тренер-оқытушы:
«Бүгінде қаржылық сауаттылық — жай ғана пайдалы құзырет емес, өмірлік қажеттілік. Студенттер өз бюджетін жоспарлауды, несиелер мен қаржылық құралдарды сауатты пайдалануды меңгеруі тиіс. Бұл олардың болашағын сенімді құруына және қоғамның қаржылық тұрақтылығын нығайтуға ықпал етеді».
Оқу бағдарламасы «Қарызсыз қоғам» жобасының Жол картасы аясында жүзеге асырылуда және жастарды жеке өмірде де, болашақ кәсіби қызметте де қажет болатын қаржылық құзыреттерді жан-жақты меңгеруге тартуға бағытталған.
