BAITURSYNULY UNIVERSITY өкілдері Қазақстан-Корей қатынастарының тарихы және Оңтүстік Корея Dong-Eui университетінің студенттері үшін Қазақстанда еңбек нарығында сұранысқа ие кадрларды даярлау жүйесі туралы қонақ дәрістер оқыды.
Естеріңізге сала кетейік, бұған дейін Dong –Eui университеті мен Ахмет Байтұрсынұлы атындағы ҚӨУ арасында Қазақстанның машина жасау саласы үшін кадрлар даярлау саласындағы ынтымақтастық туралы меморандумға қол қойылған болатын.
Басқарма төрағасы-ректор Сейтбек Қуанышбаев Оңтүстік Корея студенттеріне «Қазақстан-Корей қатынастары» тақырыбында дәріс оқыды.
Халықаралық ынтымақтастық бөлімінің бастығы Нағима Манасбаева студенттерге BAITURSYNULY UNIVERSITY білім беру процесінің ерекшеліктері туралы айтып берді.
Сондай – ақ, машина жасау, энергетика және ақпараттық технологиялар факультетінің деканы Берген Қалақов, «Қазақстан-Корей қатынастарының қалыптасу тарихы» және академиялық қызмет басқармасының бастығы Эльмира Наурызбаева «Еңбек нарығында сұранысқа ие Қазақстанда кадрларды даярлау жүйесі» атты дәрістер оқыды.
Бұл кездесу BAITURSYNULY UNIVERSITY мен Dong-Eui арасындағы достық қарым-қатынасты одан әрі нығайта түсті.
