ҚР Ұлттық музейінде (Астана қ) халықаралық студенттер байқауының қорытындысы жарияланды.
Шаттана бер, Университетім! Жеңімпаздар қатарында - Baitursynuly University студенті!
Дана ӘЛІБЕКОВА туралы біз бірнеше рет жазғанбыз. Үздік студент, белсенді, біздің JARYQ еріктілер клубымыздың жарық жұлдызы.
Дана, «Химия мұғалімдерін даярлау» білім беру бағдарламасының 4-курсында оқиды.
Салтанатты рәсімде оны «Түркі халықтарының үздік студенті» деп таныды.
1-ші дәрежелі дипломда «Жастар саясатын дамытуға қосқан үлесі үшін» деп атап өтілген. Сахна төрінде айтылғанындай, жанашырлығы, белсенді азаматтық ұстанымы және оқу үлгеріміндегі тамаша нәтижелері үшін марапатталды.
Дананы лайықты жеңісімен ҚҰТТЫҚТАЙМЫЗ! Біз сенімен мақтанамыз! Жарайсың!
