Бүгін «Тәртіпті өзіңнен баста!» қоғамдық акциясы аясында «Заң және тәртіп» принципін насихаттау мақсатында Baitursynuly University студенттермен кездесу өтті.
Іс-шараға ҚӨУ-дің экономика және құқық факультеті деканы Айдар Байкин, аға әділет кеңесшісі Еркин Курманалинов және Қостанай облысы полиция департаментінің аса маңызды істер жөніндегі аға тергеушісі, майор Серик Шарабасов қатысты.
Айдар Косымович өзінің алғы сөзінде «Құқықтану» білім беру бағдарламасының студенттеріне алаяқтық схемалар мен қаржылық пирамидаларға қатысты өзекті қауіп-қатерлерге тоқталды.
Еркин Жаксылыкович академияға түсу ережелері, құқық қорғау органдарының міндеттері және кәсіби этикалық нормаларды сақтау туралы толығырақ түсініктеме берді.
Серик Мендыбаевич шақырту үшін алғысын білдіріп, ҚӨУ-дің өңірдегі жетекші жоғары оқу орны екенін және мұнда жоғары білікті мамандар даярланатынын атап өтті.
Студенттер белсенді түрде сұрақтар қойып, кездесу ашық диалог форматында өтті.
