«Мен ҚМУ-ны таңдаймын!» бейне байқауының қорытындысын шығарылды, оның жеңімпазы А.Байтұрсынов атындағы Қостанай мемлекеттік университеті ректорының білім беру гранты иегері болады және таңдаған мамандығы бойынша тегін оқу құқығын алады.
Байқау университетте 4-ші жыл қатарынан қазақ және орыс тілді облыстың орта мектептерінің 11 сынып оқушылары мен колледждерінің түлектері үшін өткізіліп келеді. Конкурстың шарты бойынша түлектер ҚМУ-ды таңдау себебі айтылатын 3-5 минуттық бейне-ролик түсіруі керек. Бейнені бағалау критерийлері - байқау тақырыбына сәйкес келетін мазмұн, өзіндік ерекшелік, университет туралы ақпараттың нақты, әрі тартымды жеткізілуі, презентация мен дизайнға шығармашылық көзқарас.
Алғашқы іріктеуден финалға жолдама алған қатысушылар ақтық сынды әділ қазылар алдында онлайн өтті. 7 өтініш берген түлектердің тек екеуі ғана өз бейне-роликтерін финалдық сынақта қорғай алды. Олар: М.Қозыбаев атындағы №23 мектеп-гимназиясының түлегі - Ислам Исатаев және Ы.Алтынсарин атындағы мектеп-интернаттың оқушысы Әдия Хакимова. Дауыс беру нәтижесі бойынша Ислам Исатаев жеңіске жетті, ол ҰБТ-ны сәтті тапсырған жағдайда ректордың грантын иелене алады.
«Мен ҚМУ-ны таңдаймын!» байқауы туралы барлық ақпаратты университеттің http: // ksu.edu.kz сайтынан таба аласыздар. Ал барлық қатысушылардың бейнесін мына сілтемеден көре аласыздар: https://youtube.com
