Қазақстандық француз тілі мұғалімдері қауымдастығы Халықаралық француз мұғалімдері федерациясы (Fédération Internationale des Professeurs de Français, қысқартылған FIPF) ұйымдастырған ұлттық және аймақтық бастамашылық жобалар байқауында жеңіске жетті. Халықаралық француз мұғалімдері федерациясының білім беру инновациялық қорының 2020 жылғы Франкофония елдерінің халықаралық ұйымымен серіктестігі аясында өткізілген жобаны жобаның басқарушы комитеті 2020 жылдың қыркүйегінде таңдады.
AKEF-тің «Менің мамандығым - Қазақстандағы француз тілі мұғалімі» («Mon métier, professeur de français au Kazakhstan») жобасы жастарды француз тілі мұғалімі мамандығын таңдауға шақыруға бағытталған.
2020 жылы бұл жобаның іс-шараларын жүзеге асыруға, соның ішінде қазақ және француз мұғалімдерін, оның ішінде орта және жоғары білім беретін мұғалімдерді, студенттер мен магистранттарды даярлауға қаржылай қолдау көрсетілді.
Оқыту теориялық әдіснамаға, кәсіби шеберлікті тәжірибеде іске асыруға, сонымен қатар студенттерді қолдауға негізделген.
Жоба Алматы қаласындағы мектептермен, Қазақстандағы жоғары оқу орындарымен, соның ішінде А.Байтұрсынов атындағы Қостанай өңірлік университетімен (лингвистикалық ғылыми-білім беру зертханасының жетекшісі және университеттің француз тілі оқытушылары), Бельгия елшілігімен, AWEX агенттігімен, Wallonia-Brussels International және Ниццадағы Франкофония университеттерімен бірлесіп жүзеге асырылуда.
Ахмет Байтұрсынов атындағы Қостанай өңірлік университетінің француз тілі оқытушылары Маргарита Тричик пен Эльвира Медетова AKEF мүшелері ретінде идеяны іске қосу және байқауға жобалық өтінім беру процесіне қатысты.
