Магистратураға түсуге өтініштер қабылдау басталды, оны екі жолмен жасауға болады:
- Абай 28 немесе Тәуелсіздік 118 мекен-жайлары бойынша университеттің қабылдау комиссиясына құжаттарды өзіңіз алып келуге болады.
- виртуалды қабылдау комиссиясының көмегіне жүгініп, құжаттарды үйден шықпай тапсыра аласыз. Виртуалды қабылдау комиссиясының сілтемесі:
https://zoom.us/j/97522485266
https://zoom.us/j/97511649379
https://zoom.us/j/94751450486
Естеріңізге сала кетейік, биыл карантинге байланысты компьютерлік тестіледен өту мерзімі, сәйкесінше магистратура мен докторантураға түсу үшін грантқа өтініш қабылдау мерзімі ұзартылған болатын.
Магистратураға түсуге өтінімдерді қабылдауды жоғары оқу орындарының қабылдау комиссиялары ҚР Білім және ғылым министрлігі Ұлттық тестілеу орталығының сайты арқылы жүзеге асырады. Сонымен қатар биыл COVID-19 пандемиясының кесірінен дәстүрлі форматта өтетін IELTS халықаралық емтиханын тапсырудың мүмкін еместігіне байланысты, Қазақстан Республикасының Білім және ғылым министрі университет түлектеріне магистратура мен докторантураға түсу үшін Duolingo English Test және IELTS INDICATOR сынақтарын тапсыруға мүмкіндік беретін бұйрыққа қол қойды. Магистратураға түсу үшін Duolingo English Test-тің шекті баллы 95-тен, IELTS INDICATOR үшін 6.0-дан кем болмауы керек. Докторантураға түсу үшін Duolingo English Test-тің шекті баллы кем дегенде 85, IELTS INDICATOR үшін - 5,5-тен кем болмауы керек.
