Бүгін Түркістанда «Үздік ғылыми қызметкер-2023» және «Жоғары оқу орнының үздік оқытушысы-2023» байқауларының жеңімпаздарын марапаттау рәсімі өтті.
Ғылыми-зерттеу институттарының, жоғары оқу орындары мен ғылыми ұйымдардың 50 ғалымы және Қазақстанның 43 жоғары оқу орнынан 150 оқытушы жыл сайын өтетін конкурстың жеңімпаздары атанды. Марапаттарды ҚР Ғылым және жоғары білім министрі Саясат Нұрбек табыстады.
«Үздік ғылыми қызметкер-2023» байқауында филология және практикалық лингвистика кафедрасының меңгерушісі, филология ғылымдарының докторы Алмасбек Әбсадық «Гуманитарлық ғылымдар» номинациясы бойынша сыйлық иегері атанды.
Алмасбек Ахметұлын ғылымдағы жеңісімен құттықтаймыз және келешекте А.Байтұрсынұлы атындағы ҚӨУ-нен еліміздің үздік ғылыми қызметкерлерінің қатарына кіретін ғалымдардың шығатынына сеніміміз зор!
