Ө.Сұлтанғазин атындағы Педагогикалық университеттің тілдер және әдебиет теориясы кафедрасының студенттері мен оқытушыларын кітапханашылар ұйымдастыратын кездесулерге шақыру дәстүрге айналды. 14 қарашада осындай екі бірдей іс-шара өтті.
Л.Н. Толстой атындағы Қостанай облыстық ғылыми әмбебап кітапханасында облыстық «Оқы және жең» онлайн-байқауының қазылар алқасының мүшесі, «Наш Костанай» газетінің журналисті Екатерина Байняшевамен кездесу өтті. Екатерина «Орыс тілі мен әдебиеті» білім беру бағдарламасының 3-курс студенттерімен байқаудан алған әсерлерімен бөлісіп, қатысу шарттары мен оқуға таңдалатын кітаптарды іріктеу тәсілдері туралы айтып берді. Әңгіме студенттердің қызығушылығын тудырды.
«Оңтүстік» кітапхана-филиалында «Кітапхана мен оқырман: қарым-қатынастарды дамыту келешегі» тақырыбында дөңгелек үстел өтті. Шақырылған қонақтар ретінде филология ғылымдарының кандидаты, тілдер және әдебиет теориясы кафедрасының қауымдастырылған профессоры міндетін атқарушы Сегизбаева К.К., ҚР ІІМ Шырақбек Қабылбаев атындағы Қостанай академиясының қылмыстық-атқару құқығы кафедрасының доценті, полиция подполковнигі Туйганов М.С., философия ғылымдарының кандидаты, профессор Бондаренко Ю.Я. қатысты.
Жиынға қатысушылар кітаптың адамның рухани, мәдени, интеллектуалды дамуына қосатын рөлі мен кітапхананың тілдерді сақтау және дамытудағы маңызы туралы пікір алмасты. Тілдік толеранттылық, қарым-қатынас мәдениеті мәселелері қатысушылардың, оның ішінде қалалық мектептердегі мұғалімдердің шынайы қызығушылығын тудырып, белсенді талқыланды.
