ҚӨУ студенттері — Чемпиондар!

Baitursynuly University студенттері Әлем чемпионатынан медальдармен оралды!

Гір спорты бойынша жастар арасындағы жарыстар 21-25 тамыз аралығында Қырғызстанның Ыстықкөл жағалауында өтті.

18 елден 505 спортшы қатысты.  Және олардың арасында біздің спортшыларымыз да болды! Қазақстан Республикасы ұлттық құрамасының құрамында Ахмет Байтұрсынұлы атындағы Қостанай өңірлік университетінің студенттері өнер көрсетті (Дене шынықтыру және спорт мамандығы).

 Бұл чемпионат маусымның басты бастамасы болып есептеледі. Жоғары деңгейдегі бәсекелестікке қарамастан, студенттеріміз тамаша нәтижелер көрсетіп, гір спортының бірнеше  түрінен медальдарды жеңіп алды.

• Иван САВЕЛЬЕВ 95 кг салмақ категориясында 1 орын («Рывок»).
• Абуали АМАНҚҰЛ 68 кг салмақ категориясында 2 орын («Рывок»).
• Владислав ЛИТВИНОВ +78 кг салмақ категориясында 2 орын («Толчок»).
• Антон СТЕЛЬМАХ 63 кг салмақ категориясында 3 орын («Рывок»).

Baitursynuly University студенттерін жоғары жетістіктерімен құттықтаймыз! Сондай-ақ, нағыз чемпиондарды дайындаған ҚӨУ оқытушы-спортшы Олег Юрьевич Комаровқа ерекше алғысымызды білдіреміз! Біз сіздермен мақтанамыз!