Baitursynuly University-де филология ғылымдарының докторы, ҚӨУ-дің филология және практикалық лингвистика кафедрасының профессоры Алмасбек Әбсадықтың «ХАМСА – БЕС КІТАП» монографиясының тұсаукесері өтті.
Іс-шараға мәдениет, білім беру саласының өкілдері, университет оқытушылары мен студенттері қатысты.
Сонымен қатар, әдебиет және өнер институтының директоры, филология ғылымдарының докторы Кенжехан Матыжан, «Егемен Қазақстан» газетінің бас редакторы, академик Дихан Қамзабекұлы және Л.Гумилев атындағы Еуразия Ұлттық университетінің түркітану кафедрасының профессоры Амантай Шәріп онлайн форматта профессорды құттықтап, сөз сөйледі.
Университет фойесінде іс-шараның сәнін келтіріп, ерекше көңіл-күй сыйлаған «Өнер» шығармашылық үйінің музыкант студенттері болды.
Сонымен қатар, Абзал Алпыс Ахмет Байтұрсынұлының жүрекке жылы тиетін «Анама хат» шығармасын орындап, қатысушыларды тебірентті.
Тұсаукесер жоғары деңгейде ұйымдастырылып, қатысушыларға автордың терең зерттеулеріне үңіліп, қазақ әдебиетінің құндылықтарына жаңаша қарауға мүмкіндік берді.
Бұл кітаптар филология саласы мен елдің рухани мұрасын дамытуға қосылған маңызды үлес ретінде атап өтілді.
