«Проект КРУ» командасы Жайдарманның Республикалық «Nomad» лигасының жартылай финалында университетіміздің намысын қорғады.
Осы аптада Қарағанды қаласында жартылай финал ойыны өтті. Сайысқа Қазақстанның түкпір-түкпірінен жиналған командалар қатысты.
2024 жылғы «Nomad» лигасының маусымы сәуір айында Қостанайда бастау алып, қазан айында Петропавл қаласында ширек финал ойыны өтті.
Қарағанды қаласында өткен жартылай финалда Baitursynuly University намысын қорғаған студенттер:
Команда жастар саясаты басқармасының маманы - Осипов Абылайхан Нұрболұлы жетекшілігімен барды.
Өкінішке орай, «Проект КРУ» командасына финалға өту үшін бірнеше ұпай ғана жетпей қалды. Дегенмен, республикалық лиганың жартылай финалына дейін жету – үлкен жетістік.
Команда ҚӨУ ректоры - Қуанышбаев Сейтбек Бекенұлына және жастар саясаты басқармасына қолдау білдіріп, осындай жоғары деңгейде университеттің атынан бару мүмкіндігін сыйлағаны үшін алғыс айтады.
Ал біз, университет ұжымы, студенттерімізге өз ризашылығымызды білдіреміз. Сендер ең үздіксіңдер! Біз сендерге сенеміз! Алдағы уақытта сендерді үлкен жетістіктер күтіп тұрғанына сеніміміз мол!
