23 қараша күні А.Байтұрсынұлы атындағы Қостанай өңірлік университеті Федоров ауданында өткен VIII аудандық кәсіптік бағдар беру «Мамандықтар әлемі-2022» форумына катысып, мектеп бітіруші түлектерге оқу орнындағы ББ-ы, гранттар мен оқу озаттарына, белсенді студенттерге берілетін мүмкіндіктер туралы айтты. Форумға облысымыздың барлық жоғарғы оқу орындары мен колледждерінің өкілдері, сондай-ақ облыс және Федоров ауданы кәсіпорындарының басшылары қатысты.
Университеттің академиялық мәселер жөніндегі проректоры Ербол Исақаев ҚӨУ-нің жетістіктері, өңірдегі кәсіпорындармен әріптестік қарым- қатынасы жайлы ақпарат берді. Сонымен қатар Федоров ауданының әкімі Тәуба Исабаевпен әріптестік қарым-қатынас орнату мақсатында меморандумға қол қойды.
Сондай-ақ, аталмыш жиынға Ұлттық тәрбие және кәсіптік білім беру бөлімінің басшысы Қарлығаш Нұрмұхаметова, Инженерлік институттың оқытушысы Қуаныш Есімханов, студенттік парламенттің белсенді тобы қатысып, студенттік өмір, қоғамдық жұмыстар, оқу орнында өткізіліп жатқан қызықты шаралар туралы кеңінен мағлұмат берді, мектеп оқушыларымен қызықты тренинг өткізді.
