П.И. Чужинов атындағы экономика және қаржы институты кәсіптік бағдар беру жұмыстарын бастап та кетті. 6 қарашада Қазтұтынуодағы Қостанай жоғары экономикалық колледжінің студенттерімен кездесу өткізілді, онда институт директоры Әлібек Табылденов студенттерге білім беру бағдарламалары, оқу процесінің мазмұны және ғылыми-зерттеу қызметі туралы айтып берді. Директордың орынбасарлары Елена Васильчук пен Орал Такиров жұмысқа орналасу мүмкіндіктері және институтта студенттер арасында қандай тәрбие жұмыстары жүргізіліп жатқандығы туралы әңгімеледі.
«Құқықтану» және «Халықаралық құқық» білім беру бағдарламалары туралы ақпаратпен Қылмыстық құқық және іс жүргізу кафедрасының меңгерушісі Лейла Гарашова, Мемлекет және құқық теориясы кафедрасының меңгерушісі Сәуле Шунаева, сондай-ақ Азаматтық құқық және іс жүргізу кафедрасының меңгерушісі Айгүл Алдабергенова таныстырды.
Ал 7 қараша күні М.Қозыбаев атындағы №23 мектеп оқушыларымен кездесу өтті.
Есеп және менеджмент кафедрасының білім беру бағдарламаларынан оқушыларды хабардар еткен кафедра меңгерушісі Айдар Байкин.
Кафедра келесі білім беру бағдарламалары бойынша оқытуды жүзеге асырады:
- Менеджмент;
- Есеп және аудит;
- Маркетинг;
- мемлекеттік және жергілікті басқару;
- адами ресурстарды басқару.
Колледж студенттері мен мектеп оқушыларын Институттың білім беру бағдарламаларының артықшылықтары мен әскери кафедрадаға түсу шарттары, жатақханада тұру мүмкіндіктері, оқудағы жеңілдіктер, сонымен қатар жұмысқа орналасу және кейінгі кәсіптік қызмет перспективалары қызықтырды.
