Baitursynuly University 85 жылдығына орай дене шынықтыру және спорт теориясы мен практикасы кафедрасының студенттері танымал түлегімен кездесті.
Университетті құттықтау үшін Халықаралық деңгейдегі спорт шебері, 2024 жылғы Паралимпиада ойындарының қатысушысы, XXVI Жазғы Универсиаданың күміс жүлдегері Тұрсынай Қабыл және құрметті жаттықтырушы Дмитрий Евгеньевич Царенко екеуі бірге келді.
Тұрсынай 2015 жылдан бастап пара-пауэрлифтингпен айналысуда, ол Қостанай қаласындағы спорт клубының тәрбиеленушісі. 2016 жылдан бастап ұлттық құраманың негізгі құрамына қабылданды. Париждегі XVII Жазғы Паралимпиада ойындарында 6 орын алды.
Бұл спортшымыздың тарихи жетістігі – батылдық, қайсарлық және мақсаткерліктің үлгісі. Ол мүмкіндігі шектеулі жандарға үміт беріп, мүмкін емес нәрсе жоқ екенін көрсетеді!
