Педагогикалық институт жанындағы француз орталығы осыдан 15 жыл бұрын Қазақстандағы Франция елшілігінің бастамасымен ашылған және ол Қазақстанда француз тілін оқытатын оталықтардың үздіктерінің бірі болып саналады. Осы жылдар ішінде біздің орталықта білім алған студенттердің елуден астамы Францияның университеттерінде оқуын жалғастырды және ірі шетелдік компанияларда, Франкофондық елдердің елшіліктерінде жұмыс істейді. Көптеген жылдар бойы француз орталығы Франция елшілігінің біздің университетпен ынтымақтастығының үйлестірушісі болды.
Бұл ынтымақтастықтың нәтижесі: студенттер мен оқытушылардың академиялық ұтқырлығы, Эразмус Плюс бағдарламасына қатысу, Қазақстандағы Франция елшілігінің көптеген басқа стипендиялық бағдарламаларына қатысу, EXPO 2017 Халықаралық көрмесіндегі француз павильонындағы студенттердің тілдік практикасы, біздің студенттердің Қазақстандағы Франция елшілігі ұйымдастырған түрлі жарыстарға табысты қатысуы. Франция елшілігі әлі де біздің орталықпен ынтымақтастыққа дайын. Студенттерді академиялық ұтқырлық бағдарламасына дайындау үшін француз орталығы барлық деңгейдегі француз тілінің 3 айлық курстарына қабылдайды, сабақтар 1 қарашада басталады және курс аяқталғаннан кейін сертификат беріледі.
