Федоров ауданында Қазақстан Республикасы күні қарсаңында А.Байтұрсынұлы атындағы ҚӨУ-нің Экономика және қаржы кафедрасының профессоры, экономика ғылымдарының докторы, Федоров ауданының Құрметті азаматы Жиентаев Сансызбай Мұхаметғалиұлымен кездесу өтті. Облыстық кітапханада өткен шараға әкімдіктің, «Аманат» партиясының өкілдері және кітапхана қызметкерлері, мектеп мұғалімдері мен жоғарғы сынып оқушылары, олардың ата-аналары қатысты.
Сансызбай Мұхаметғалиұлы Республика күнінің пайда болу тарихына, оның объективті, субъективті алғышарттарына тоқталды. Сонымен қатар өзі жұмыс істейтін Экономика және қаржы кафедрасы, ондағы білім беру бағдарламалары туралы айтты.
Аудан тұрғындары экономика ғылымдарының докторына көкейіндегі сауалдарын қойып, тұшымды жауап ала алды. Жалпы кездесу қызықты, танымды өтті.
