А.Байтұрсынов атындағы ҚӨУ-нің әлеуметтік-гуманитарлық пәндер кафедрасының аға оқытушысы Ғабит Құсайынов ҚР ІІМ Ш.Қабылбаев атындағы Қостанай академиясының курсанттарымен кездесті. Іс-шараның тақырыбы - «Естелік сағаты». Кездесуді Л.Толстой атындағы облыстық әмбебап ғылыми кітапханасының өлкетану әдебиеті бөлімі ұйымдастырды.
Тәрбиелік-патриоттық шара 31 мамыр, еліміздің тарихындағы қасіретті оқиғалар, саяси қуғын-сүргін және ашаршылық құрбандарын еске алу күніне арналды. Намыс, абырой, әділдік, адамгершілік, Отанға деген сүйіспеншілік сияқты мызғымас құндылықтарды қастерлеген, халқының мүддесін қорғау үшін күрескен қаһармандарды қоғамымыздың бір емес, бірнеше буыны үлгі тұтады. Қара қазақтың сауатын ашуда, еліміздің өркениетке бет бұруына сеп болған қоғам қайраткерлерінің есімдерін бүгінгі жастар ұмытпақ емес!
Сондай-ақ іс-шара барысында 5 маусымда өтетін референдумда ҚР Конституциясына енгізілетін негізгі өзгерістер түсіндірілді.
