Baitursynuly University «Бердвочерлер» студенттік клубы кураторының орынбасары, жаратылыстану ғылымдары кафедрасының аға оқытушысы Мария РУЛЕВА Алматыда өткен Қазақстанның биоәртүрлілікті сақтау ассоциациясы (АСБК) клубы өткізген көшбасшылар кездесуіне қатысты.
Аталған іс-шараға Алматы, Солтүстік Қазақстан, Батыс Қазақстан, Атырау және Қостанай облыстарынан педагогтар қатысты. Бағдарлама өте қызықты әрі жан-жақты болды: экокомикстерді пайдаланып ойын арқылы оқыту бойынша мастер-класс, «Jer-Su» экологиялық ойыны, Алматы маңындағы алқапта құстардың қалықтау процессі және тағы басқа қызықты іс-шаралар болған.
Сонымен қатар, тәжірибе алмасу мүмкіндігі де болды. ҚӨУ өкілі Мария Рулева студенттік клубтың атқарған жұмысы және оның жетістіктері туралы ой бөлісті. Кездесудің соңында қорытынды жасалып, клубтардың алдағы іс-шараларының жоспары талқыланды.
