Б.Н.Ельцин атындағы Орал федералдық университеті А.Байтұрсынов атындағы Қостанай өңірлік университетімен көп жылдан бері ынтымақтастық қарым-қатынаста. Университет 100 жылдық мерейтойына орай 2020 жылдың 29-30 қыркүйегінде цифрландыру мәселелері бойынша EDCRUNCH Ural Халықаралық ғылыми конференциясын өткізеді, қостанайлық ғалымдар мен оқытушыларды конференцияға қатысуға шақырады. Биыл онлайн-форматта өтетін EdCrunch Ural конференциясының басты тақырыбы цифрландыру мәселесі болмақ. Конференцияда цифрлық экономиканың шындықтары және жаңа ортадағы университеттер алдында тұрған міндеттер талқыланады. Қатысушылар сандық университеттің әртүрлі модельдерімен танысуға және білім беруді трансформациялаудың негізгі әлемдік тенденциялары туралы білуге мүмкіндік алады. Біз технологиялық инновацияларды енгізу бойынша тәжірибе алмасып, күрделі білім беру мәселелерін шешуде серіктестердің қолдауына жүгіне аламыз.Конференция шеңберінде өткізілген секциялар мен іс-шаралар туралы толық ақпарат және мақалаларды көркемдеу ережелері оқу орнының ресми-сайтында орналасқан: https://edcrunch.urfu.ru.Не болмаса мына байланыс телефоны арқылы хабарласуға болады: тел.: +7 (906) 812 0228 Хажиахметова Регина, конференция үйлестірушісі.
