JARYQ еріктілер клубының есеп беру концертінде студенттік клуб жетекшісінің ауысқаны белгілі болды.
Естеріңізге сала кетейік, ҚӨУ педагогикалық институтының студенті Дана Алибекова – университеттегі волонтерлер клубының негізін қалаушы. ⠀
"Волонтерлік қоғамға өте қажет, - деп түсіндіреді бойжеткен. - JARYQ клубы мұқтаж жандарға көмектеседі. Студенттер жалғызбасты қарт қостанайлықтарға барады, балалар орталықтарында және мүмкіндігі шектеулі жандарға арналған оңалту орталықтарында демалыстар ұйымдастырады. Baitursynuly University еріктілер қозғалысы қарқын ала түсетініне сенімдімін."
Дана – болашақ химия пәнінің мұғалімі. Ол 4 курсқа көшті, енді практикаға көбірек уақыт керек. Ал эстафетаны келесілерге беру керек дейді бойжеткен.
JARYQ клубының жаңа жетекшісі – «Шет тілдері» білім беру бағдарламасының 1 курс студенті, клуб белсендісі Әйгерім Халдар.
Клуб басшылығы міндетін зор ыгта-ықыласымен атқарған Данаға рахмет! Ал, Әйгерімге сәттілік! Университетімізге білімпаз студенттердің келуін тілейміз!
