Студенттермен апта сайынғы кездесулер жақсы дәстүрге айналды, біз оны төтенше жағдайдан кейін де жалғастыратын боламыз.
Бұл жұмыс форматы тиімділігімен ерекшеленді және бізге жастардың қойған сауалдарына тез жауап беруге мүмкіндік берді. Facebook, Instagram, TrueConf ресурстарын қолданудың арқасында осы жолы 1000-нан астам студенттермен байланыс орнаттық.
Тікелей эфирге дайындалу барысында біз бұрынғы байланыстар кезінде жауап беруге үлгермеген барлық сұрақтарды пысықтадық. Оларды бағыттар бойынша топтастырып, толық жауап бердік. Студенттерді қорытынды аттестаттау, диплом қорғау жұмыстары, тәжірибеден өту сияқты негізгі мәселелерге тағы да тоқталдық. Прокторинг жайындағы ақпаратпен бөлістік.
Тікелей эфир - бұл студенттермен сұхбаттасу мүмкіндігі және біздің қызметімізді реттеу тетігі. Бүгінгі эфир барысында 54 сұрақ келіп түсті. Біз оларды келесі топтарға бөлдік:
- мемлекеттік емтихандар, әскери кафедраға құжаттарды тапсыру мерзімі, оқу-өндірістік тәжірибеден өтуге байланысты ұйымдастыру мәселелері;
- жұмыспен қамту, магистратураға түсу, гранттар, жеңілдіктер және жеңілдіктер алу.
Әсіресе «Серпін» бағдарламасы бойынша білім алып жатқан студенттердің оқу орнын тамамдағаннан кейін оңтүстік аймақтарда жұмысқа орналасуы туралы сұрақтарға тоқталсақ. «Серпін» бағдарламасын жүзеге асырушы университеттердің бірі ретінде біз бағдарламаның басты мақсатын, яғни түлектердің солтүстік аймақта жұмысқа орналасу міндетін қойдық.
- студенттердің университет оқытушылары мен әкімшілігіне алғыс білдіруі.
Соңғы пункт біз үшін жұмысымыздың көрсеткіші болып табылады. Бұл ҚМУ ұжымының біріккен еңбегінің нәтижесі.
