АҚШ - пен әлемнің жоғары зерттеу оқу орындарының үздіктер қатарына кірген меймандарымыз біздің университетпен ынтымақтастық орнату үшін келіп отыр.
⠀- Біз сіздердің ЖОО-ны таңдағанымыз кездейсоқ емес, - деп атап өтті ҚР құрметті консулы Hugh Hallman. - ҚР Ғылым және жоғары білім министрі Саясат Нұрбек мұнда бүгінгі таңда жоғары сұранысқа ие педагогикалық кадрлар даярланатынын атап өтіп, сіздерге баруды ұсынды.
⠀Baitursynuly University ректоры Сейітбек Бекенұлы ҚУАНЫШБАЕВ қонақтарды оқу ордамыздың материалдық-техникалық базасымен, білім беру бағдарламаларымен және жұмыс қағидаттарымен таныстырды. Делегация өкілдерін психологиялық, педагогикалық және IT бағыттар қызықтырды.
⠀Оқу ордаларының ректорлары қос диплом бағдарламасын, сондай-ақ қостанайлық студенттерге шетелде білім алуға және ой-өрісін кеңейтуге бірегей мүмкіндік беретін алмасу бойынша оқуды талқылады.
