VI Worldskills аймақтық чемпионаты биыл 28-30 қыркүйек аралығында Қостанай педагогикалық колледжінде өтті.
Іс-шараның мақсаты - хореография, мектепке дейінгі білім беру, бастауыш сыныптарда сабақ беру құзыреттіліктері бойынша кәсіби шеберлікті арттыру. Жалпы Worldskills чемпионаттары мамандықтың әр түрлі салалары бойынша өткізіледі. Қостанай педагогикалық колледжінде өтткен байқауға Қостанай педагогикалық колледжінің, «Прима Балет» студиясының, «Crazy Dance» би клубының, Қостанай өңірлік университетінің Сұлтанғазин атындағы педагогикалық институтының студенттері қатысты.Хореография бойынша қыздар классикалық және халықтық-сахналық би бағыттарында дайындалып, екі күн бойы шеберліктерін көрсетті.
Бірінші күні байқауға қатысушылар 5 сағат бойы дайындаған Джульеттаның бейнесін сомдады. Екінші күні қазақтың халық биін сахналады. Біздің қатысушымыз, МУЗО білім беру бағдарламасының 3 курс студенті Томирис Есімбек хореографы Светлана Бабичпен бірге дайындаған тоқымашы әйел бейнесін тамаша ашқан әдемі биін көрсетті. Нәтижесінде Томирис «Хореография» құзыреті бойынша 3 орынға ие болды.
