Меморандумға қол қою рәсімінен кейін Білім және ғылым вице-министрі Мирас Мұхтарұлы Дәуленов А.Байтұрсынов атындағы Қостанай өңірлік университетіне барды.
Кездесу барысында өңірлік Smart-орталық базасында жоғары оқу орнының инфрақұрылымын көрсеттік. Жақын арада салынатын нысандарды қоса алғанда, инновациялық алаңдар мен одан әрі даму жоспарлары таныстырылды.
Жоғары оқу орны үшін де, Қостанай облысы үшін де серпінді жоба болып табылатын инжинирингтік орталық салу мәселесі егжей-тегжейлі қаралды.
Сонымен қатар, біз ағымдағы жылы Covid-19 диагностикасын жүзеге асыратын Қолданбалы биотехнология Ғылыми-зерттеу институтын, сондай-ақ Lab network зертханаларын көрсеттік.
Сындарлы диалог нәтижесінде жақын арада жүзеге асырылатын және біздің университетте ғана емес, жалпы өңірде ғылымның дамуына серпін беретін бірқатар ұсыныстар түсті.
Біріншіден, жоғары оқу орны мен ғылыми-зерттеу институттарының өзара іс-қимылының үйлесімін дамыту қажет. Мәселен, пандемияның ықтимал екінші толқынының кезеңінде ҚР БҒМ-мен бірлесіп, Covid-19 анықтау бойынша қазақстандық тест жүйелерін сатып алу және жеткізу мәселесі пысықталатын болады. Осылайша, біздің институт ПТР тесттерін талдауды ғана емес, сонымен қатар инфекция жағдайларын дербес анықтай алады.
Екіншіден, инновациялық әзірлемелердің толық циклінің орталығын құру. Ол үшін университет базасында салықтан босатылған арнайы экономикалық аймақ құрылады, ол ғылымды қаржыландыру және өндіріске енгізілетін жаңа жобаларды әзірлеу үшін жеке компанияларды тартады.
Үшіншіден, ағымдағы жылдан бастап "КАМАЗ" ЖАҚ-мен, "СарыАрқаАвтоПром" АҚ-мен нақты дипломдық жобаларды әзірлеу бойынша жұмысты бастау қажет. Бұл кәсіпорындардың ЖОО-мен өзара іс-қимылға мүдделілігін арттырады, сондай-ақ түлектерді кепілді жұмысқа орналастыруды қамтамасыз етеді. Бұл жағдайда ЖОО мақсатты дайындықпен айналысатын болады, онда білім мен біліктілікке бағалауды жұмыс беруші өз тапсырысы негізінде беретін болады.
Біздің университетте жүктелген міндеттерді жүзеге асыруға барлық мүмкіндіктер бар.
Бізге жоғары білім беру жүйесін дамытуда сәттілік тілейміз!
