А.Байтұрсынов атындағы Қостанай өңірлік университетінің оқытушылары мен белсенді студенттері №115 мектеп оқушыларымен онлайн-кездесу өткізіп, университетіміздегі жоғары білімнің артықшылықтары туралы әңгімеледі.
3 курс студенттері Мерей Сахиев пен Диас Сандыбаев заңгер мамандығын игеру жолдары туралы бөлісті және университет басшылығына жеке өсуі үшін жақсы жағдай жасағаны үшін ризашылықтарын білдіріп, студенттер мен оқушыларды өзін-өзі дамытуға шақырды.
Кездесуде оқу үдерісіндегі ақпараттың қол жетімділігі туралы, сонымен қатар әскери кафедра түлектері үшін әскери билет пен әскери атақ алғаннан кейін қандай мүмкіндіктер ашылатыны туралы айтылды. Тәрбие жұмысына көп көңіл бөлінді, университет белсенділерінің қызықты акциялары мен студенттердің өздері өткізетін іс-шаралар жайлы ақпарат берілді. Студенттердің ой-өрісін, шығармашылық, спорттық қабілеттерін дамыту мақсатында университетте тегін үйірмелер мен секциялар жұмыс істейді.
Мектеп оқушылары мен мұғалімдері университетіміздің артықшылықтарын бағалап, А.Байтұрсынов атындағы Қостанай өңірлік университетінде білім алуға ниетті екендіктерін білдірді. Айтпақшы, біздің университетке түсу оқуды бітіргеннен кейін жұмысқа орналасуға және лайықты жалақыға кепілдік беріп қана қоймай, сонымен бірге екінші жоғары білімді анағұрлым төмен қаржылық шығынмен оқып шығуға жағдай жасайды.
Кездесуді кураторлар Құралай Ахмединова мен Сайрангүл Балғабаева ұйымдастырды.
