Қазақстан Республикасының Конституция күніне орай А. Байтұрсынов атындағы Қостанай өңірлік университетінде Қостанай облысы әкімдігінің Қоғамдық даму басқармасымен бірлесіп «Тарихи мұра контекстінде конституционализмді қамтамасыз ету және адам құқықтары мен бостандықтарын қорғау» тақырыбында дөңгелек үстел өтті.
1995 жылғы 30 тамызда республикалық референдум өткен, онда Қазақстан тарихындағы бесінші және сол жылдың 5 қыркүйегінде күшіне енген Егемен және Тәуелсіз Қазақстан тарихындағы екінші Конституция қабылданды. Бұл Конституция Қазақстандағы конституциялық құрылыстың жаңа кезеңі болды.
Іс-шара қатысушыларына Қостанай облысы әкімдігі қоғамдық даму басқармасының саяси жұмыс бөлімінің басшысы Әсел Жұмағалиқызы Құлмағамбетова құттықтау сөз сөйледі.
Дөңгелек үстел аясында Қазақстандағы конституционализмді одан әрі қамтамасыз етудің негізгі қорытындылары мен келешегі; еліміздегі адам мен азаматтардың құқықтары мен бостандықтарын қорғаудың тарихи аспектілері қаралды.
Дөңгелек үстелге құқық қорғау органдарының, Л. Н. Толстой атындағы облыстық әмбебап ғылыми кітапхананың қызметкерлері, облыстық мұрағат, Қазақстан мен Қостанай облысының жоғары оқу орындарының ғалымдары қатысты.
