Skip to content

Бакалавриат және специалитет

А.Байтұрсынов атындағы Қостанай өңірлік университеті жоғары білімді күндізгі оқу түрінде дайындайды.

Оқыту бакалавриат үшін ұзақтығы 4 жыл және мамандық үшін 5 жыл («Ветеринария» білім беру саласы үшін) негізгі білім беру бағдарламасы бойынша да, техникалық, кәсіптік және орта білімнен кейінгі білім беру немесе ЖОО түлектері үшін 2-3 жыл қысқартылған оқу мерзімімен жүргізіледі.

Негізгі білім беру бағдарламасы бойынша оқыту тек күндізгі оқу нысаны бойынша, қысқартылған білім беру бағдарламалары бойынша оқыту қашықтықтан оқыту технологиясын ("Ветеринария"білім беру саласынан басқа) қолдана отырып, күндізгі оқу нысаны бойынша жүзеге асырылады.

Бакалавриат және специалитеттің білім беру бағдарламаларының тізбесі

Университетке негізгі білім беру бағдарламасы бойынша оқуға жалпы орта, техникалық және кәсіптік (бастауыш немесе орта кәсіптік), орта білімнен кейінгі немесе жоғары білімі бар тұлғалар қабылданады. Оқуға қабылдау ұлттық бірыңғай тестілеу нәтижелері бойынша берілген сертификат балдарына сәйкес жүзеге асырылады («Педагогикалық ғылымдар» – кемінде 75 балл; «Ауыл шаруашылығы және биоресурстар», «Ветеринария» − кемінде 60 балл; басқаларына-кемінде 50 балл, әрбір пән бойынша - кемінде 5 балл).

Шығармашылық дайындықты талап ететін жоғары білімнің білім беру бағдарламаларының топтары бойынша оқуға қабылдау («Дене шынықтыру мұғалімдерін даярлау», «Музыка мұғалімдерін даярлау», «Көркем еңбек және сызу мұғалімдерін даярлау», «Журналистика және репортер ісі») ҰБТ нәтижелері бойынша және екі шығармашылық емтихан ескеріле отырып жүзеге асырылады.

Құжаттарды қабылдау мерзімі 20 маусымнан 7 шілдеге дейін.
Шығармашылық емтихандарды өткізу мерзімі 8-13 шілде аралығында.
Оқуға қабылдау 2021 жылғы 10-20 тамыз аралығында

3 жыл оқу мерзімімен ұқсас Білім беру бағдарламасы (ақылы оқыту нысаны) бойынша техникалық және кәсіптік немесе орта білімнен кейінгі білім беру базасында қысқартылған білім беру бағдарламасы бойынша оқуға қабылдау ішкі жазбаша емтиханға сәйкес жүргізіледі.

Университетке 2 жыл оқу мерзімімен жоғары білім беру базасында қысқартылған білім беру бағдарламасы бойынша қабылдау ішкі жазбаша емтиханға сәйкес жүргізіледі.

Бакалавриатқа түсу үшін құжаттар тізімі:

  1. Жалпы орта, техникалық және кәсіптік, орта білімнен кейінгі немесе жоғары білім туралы құжат (түпнұсқа);
  2. 3 x 4 сантиметр көлеміндегі 6 фотосурет;
  3. 075-У нысанындағы медициналық анықтама;
  4. ҰБТ электрондық сертификаты;
  5. Білім беру грантын беру туралы электрондық куәлік (болған жағдайда).

Шетел азаматтарын ақылы негізде оқуға қабылдау әңгімелесу нәтижелері бойынша жүзеге асырылады (шетелдік білім беру ұйымдары берген білім туралы құжаттар заңнамада белгіленген тәртіппен танылады немесе нострификацияланады).

Қабылдау комиссиясының мекен-жайы: Қостанай қ., Тәуелсіздік к-сі, 118.

Байланыс телефондары:

8 (7142) 54-28-49

8 (7142) 54-53-20

Call center - 8 (7142) 93-10-10