2025 жылғы 25 сәуір күні сағат 10:00-де Baitursynuly University базасында (Қостанай қ., Тәуелсіздік көшесі, 118) «КУРЬЕР» атты жаңа деректі фильмнің тұсаукесері өтеді. Бұл фильм салымшылар (закладчик) мен есірткі таратумен байланысты қылмыстық әрекеттер тақырыбына арналған.
Фильм жастар арасында есірткі қылмыстарының алдын алу, ақпараттандыру деңгейін арттыру және студенттердің азаматтық ұстанымын қалыптастыру мақсатында түсірілген.
Іс-шараға университеттің 500-ге жуық студенті қатысады деп күтілуде. Тұсаукесер аясында заңсыз әрекеттерге тартылудың өзекті мәселелері мен салдары талқыланып, сарапшылармен ашық диалог өткізу жоспарлануда.
