А. Байтұрсынұлы атындағы Қостанай өңірлік университетінің құрметті професссоры, физика-математика ғылымдарының кандидаты, доцент, математика және физика кафедрасының профессоры ТАСТАНОВ МЕЙРАМБЕК ҒАБДУАЛИҰЛЫ 7 қарашада 75-жасқа толып отыр.
С.М. Киров атындағы ҚазМУ-нің механика-математика факультетін бітірген соң, Тастанов М.Ғ. барлық саналы ғұмырын ғылым мен білімге арнады. Ол Әл-Фараби атындағы ҚазҰУ-нің математикалық ғылыми мектебінің көрнекті өкілі, альма-матер қабырғасында физика-математика ғылымдарының докторы, профессор, ҚР Мемлекеттік сыйлығының лауреаты, ҚР Инженерлік академиясының академигі Ш.С. Смағұловтың ғылыми жетекшілігімен физика-математика ғылымдарының кандидаты ғылыми дәрежесін алу үшін диссертациясын сәтті қорғады және доцент ғылыми атағын алды.
Оның еңбек жолы А. Байтұрсынұлы атындағы ҚӨУ-мен тығыз байланысты, ол онда әр жылдары басшылық қызметтер атқарды, экономика және қаржы Институты директорының орынбасары, ҚМУ базасында облыстық қабылдау комиссиясының жауапты хатшысы болды, оқу-әдістемелік бөлімді және оқу-әдістемелік орталықты басқарды, сонымен қатар білім беру менеджменті және мониторингі басқармасының басшысы болды. Сондай-ақ, тәрбие жұмысы және қоғаммен байланыс департаментінің директоры, ақпараттық-талдау бөлімінің бастығы және стратегиялық даму департаментінің бас маманы болып қызмет атқарды. Ол Бақылау Кеңесінің Хатшысы болып сайланды және ғылыми хатшы лауазымы қызметін атқарды. Қазіргі таңда ол жоғары кәсіби біліктілік пен үлкен еңбекқорлықтың үлгісі бола отырып, математика және физика кафедрасының профессоры лауазымында қызметін белсенді жалғастыруда.
Оның фильтрация, электротехника және қаржылық реттеу мәселелерін шешуге арналған 70-тан астам ғылыми және оқу-әдістемелік жұмыстары, оның ішінде 8 ғылыми мақала Scopus дерекқорында индекстелген журналдарында жарияланған. Ол Әл-Фараби атындағы ҚазҰУ механика-математика факультетіндегі «Тұтас орта механикасының шеттік есептері», «Механика мәселелері» ғылыми семинарлардың тұрақты қатысушысы.
ҚР білім саласындағы еңбегі, оқу, тәрбие және әкімшілік қызметіндегі жетістіктері үшін және университеттің дамуына қосқан зор үлесі үшін Тастанов Мейрамбек Ғабдуалиұлына құрметті атақтар берілді: ҚР Білім және Ғылым Министрлігінің «Ғылымды дамытуға сіңірген еңбегі үшін» және «ҚР білім беру ісінің құрметті қызметкері» төсбелгілерімен марапатталды. Ол «Тың және тыңайған жерлерді игергені үшін» медалімен, ҚР Ғылым және Жоғары Білім Министрлігінің алғыс грамотасы және басқа да көптеген медальдар, құрмет дипломдары және грамоталарымен марапатталған.
Көп жылғы жемісті ғылыми-педагогикалық және ұйымдастырушылық-әдістемелік қызметі үшін Тастанов М.Ғ. лайықты құрмет пен беделге бөленді, ал оның шығармашылық жолы білім мен ғылымға қызмет етудің жарқын үлгісі іспетті.
Мейрамбек Ғабдуалиұлын мерейлі туған күнімен құттықтай отырып, оған зор денсаулық, бақыт, береке, ұзақ ғұмыр және еліміздің ғылым мен жоғары білімін дамыту жолында шығармашылық табыс тілейміз.
Амантаев М.А. философия докторы (PhD), АТжК кафедрасының қауымдастырылған профессоры
