2024 жылы 28 қараша айында А. Байтұрсынұлы атындағы ҚӨУ ауыл шаруашылығы ғылымдары факультетінің Ветеринариялық медицина кафедрасының аға оқытушысы Сыздықов Жүрсін Сурағанұлы 63 жасқа толады.
Сыздықов Жүрсін Сурағанұлы, Алматы зооветеринарлық институтын бітіргеннен кейін бүкіл өмірін өндіріс пен білімге арнады. "Ветеринария"сұранысқа ие мамандығының өкілі бола отырып, әр жылдары басқарушы лауазымдарда жұмыс жасады, Қамысты ауданының Дружба совхозында мал дәрігері, Қамысты ауданының бас ветеринарлық дәрігері, Қамысты ауданының Орқаш совхозында директор, Денисов ветеринарлық станциясының бас мал дәрігерінің орынбасары, "Мал дәрігері" ветеринарлық бөлімінің басшысы және Қостанай облысы, Қарасу ауданының "Караман - К" ЖШС бас ветеринарлық дәрігері қызметтерін атқарды.
Сыздықов Жүрсін Сурағанұлының еңбек қызметі 2011 жылдан бастап А. Байтұрсынұлы ҚӨУ-мен тығыз байланысты, ветеринариялық медицина кафедрасының оқытушы лауазымында жұмыс істей отыра, оқу-нұсқаулық, ғылыми жұмыстарында жоғары жетістіктерімен аға оқытушы лауазымына ауысты.
Эдвайзер болып жұмыс атқаруда оның студенттері Алматы қаласындағы Республикалық студенттік олимпиадаларда құрметті жүлделі орындарға ие болып, Қазақстан Республикасы Білім және ғылым министрінің грамоталарымен және дипломдарымен марапатталды. Облысымыздың ветеринарлық қызметтері үшін "Серпін" бағдарламасы бойынша ветеринарлық мамандарды даярлауға белсенді қатысты.
Кафедрада кәсіптік бағдар беру іс-шараларын өткізуге жауапты бола отырып, талапкерлер мен мектеп түлектері арасында кәсіптік бағдар беру мақсатында бірнеше рет Қостанай облысының аудандары мен қалаларына, сондай-ақ Талдықорған қаласында болды. Ол қашықтықтан оқыту кафедрасында, ветеринарлық колледж түлектері үшін және жоғары білім базасында, қысқа мерзімді бакалавриаттың ашылуына қатысты.
Әріптесіміздің еңбегі ведомстволық марапатпен марапатталды: университет ректорының грамоталары (Қостанай,2016,2023ж.), Қазақстандық білім және ғылым қызметкерлерінің салалық кәсіподақ одағының Құрмет грамотасы (Нұр-Сұлтан,2019ж.), Қазақстан Республикасы Білім және жоғары білім министрлігінен алғыс хаттарымен (Астана, 2024 ж.).
Құрметті Жүрсін Сурағанұлы, сізді 63 жасқа толған мерейтойыңызбен шын жүректен құттықтай отырып, деніңізге саулық, рухыңызға шаттық, отбасыңызға амандық тілейміз.
Ауыл шаруашылығы ғылымдары факультетінің Ветеринариялық медицина кафедра ұжымы
