2025 жылға арналған академиялық ұтқырлық шеңберінде ERASMUS+ бағдарламасы бойынша шетелде оқу үшін байқау жарияланды

Студенттер мен магистранттар назарына!

2025 жылға арналған академиялық ұтқырлық шеңберінде ERASMUS+ бағдарламасы бойынша шетелде оқу үшін байқау жарияланды.

«Management for Business Startup’s: 2025 Summer course»

Байқауға қатысу үшін құжаттарды тапсыру мерзімі – 14.02.2025 дейін 

Байқауға 2-3 курс «Менеджмент», «Экономика» ББ студенттері және 1 курс магистранттары қатыса алады.

Біздің университетімізге берілген орын саны – 1 (Витаутас Магнус университеті, Каунас, Литва Республикасы).

Бағдарлама өткізу мерзімі:

• Виртуалды компонент: 02.06.2025 – 06.06.2025
• Offline ұтқырлық: 09.06.2025 – 13.06.2025

Қатысушыларға қойылатын талаптар:

1. Шет тілін меңгеру деңгейі В1-ден төмен болмауы тиіс (IELTS – 4.0 және одан жоғары, TOEFL – 43 және одан жоғары).
2. Ағымдағы оқу үлгерімінің орташа баллы GPA 3.0-ден төмен болмауы тиіс (4.0 шкаласы бойынша).

Қажетті құжаттар:

• Паспорт көшірмесі
• транскрипт үш тілде (қазақша, орысша, ағылшынша)
• IELTS сертификаты (өту баллы қабылдайтын университетпен белгіленеді) немесе тіл білімі туралы сертификат
• Мотивациялық хат*

*Университет қосымша құжаттарды талап етуі мүмкін.

Қаржылық шарттар:

• Әуе билеті үшін грант: 580,00 евро
• Стипендия: 79,00 евро күн сайын (ең көп дегенде 9 күн, жолда жүрген күндерді қоса есептегенде).

Қатысушы төмендегі құжаттарды Халықаралық ынтымақтастық және академиялық ұтқырлық бөліміне тапсырады (Экономика және құқық факультеті, 110 кабинет, 9.00-18.00, түскі үзіліс 13.00-14.00).

• Барлық сұрақтар бойынша Халықаралық ынтымақтастық және академиялық ұтқырлық бөліміне хабарласыңыз, 110 кабинет, негізгі ғимарат (Байтұрсынов көшесі, 47).
• Телефон: 51-11-73, 51-11-80 немесе WhatsApp: +7 775 314 23 53