Персоналды басқару бөлімі

Персоналды басқару бөлімі Университеттің кадрлық ресурстарын тиімді басқаруды қамтамасыз етеді. Бөлімнің негізгі мақсаты – қызметкерлерді іріктеу, орналастыру және дамыту, еңбек құқықтары мен кепілдіктерін сақтау, кадрлық құжаттаманы Қазақстан Республикасының заңнамасына сәйкес жүргізу.

Персоналды басқару бөлімінің негізгі бағыттары:

• Кадрлық есепті ұйымдастыру, қызметкерлердің деректер базасын жүргізу, еңбек шарттарын, бұйрықтар мен басқа да құжаттарды рәсімдеу;
• Профессорлық-оқытушылық және әкімшілік персоналды іріктеу және тағайындау, аттестацияларды өткізу;
• Еңбек заңнамасы мен ұжымдық шарт талаптарының сақталуын бақылау;
• Қызметкерлерге еңбек мәселелері бойынша консультация беру;
• Құжаттарды мұрағатқа тапсыруға дайындау және кадрлық құжат айналымының бірыңғай тәртібін қамтамасыз ету.

Бөлім Университеттегі кадрлық тұрақтылықты қолдауда, қызметкерлердің кәсіби әлеуетін дамытуда және еңбек тәртібінің жоғары деңгейін қамтамасыз етуде маңызды рөл атқарады.