Университеттегі “Жайдарман” клубы – бұл әзілге, сахналық өнерге және командалық рухқа құмар талантты, шығармашыл студенттерді біріктіретін жарқын әрі жігерлі алаң.
Клубтың негізгі мақсаты – студенттердің интеллектуалдық және шығармашылық әлеуетін дамыту, оларды КВН (Көңілділер мен тапқырлар клубы) ойыны арқылы іске асыру.
“Жайдарман” клубының негізгі міндеттері:
- университетішілік және қалалық Жайдарман ойындарын ұйымдастыру және өткізу, сондай-ақ өңірлік және республикалық лигаларға қатысу;
- шығармашылық белсенділік танытқан студенттерге қолдау көрсету, олардың талантын ашуға және өзіне деген сенімділігін арттыруға мүмкіндік беру;
- командалар арасында жылы достық атмосфера қалыптастыру және оларды үлкен отбасындай сезіндіру;
- әзіл мен шығармашылық арқылы мәдени, тарихи және әлеуметтік құндылықтарды насихаттау;
- ойындар деңгейін арттыру үшін кәсіби мамандардан тренингтер мен шеберлік сабақтарын ұйымдастыру.
“Жайдарман” клубының мүшесі бола отырып, сіз мынандай мүмкіндіктерге ие боласыз:
- көпшілік алдында сөйлеу, актерлік шеберлік және импровизация қабілеттеріңізді дамыту;
- студенттік өміріңіздің ажырамас бөлігі болатын жарқын және есте қаларлық іс-шараларға қатысу;
- университет атынан беделді сайыстар мен турнирлерге қатысу;
- жаңа достар мен пікірлестер тауып, белсенді студенттік қауымдастықтың бір бөлігі болу;
- ойындарға дайындық, өнер көрсету ұйымдастыру және кеңес беру тұрғысынан қолдау алу.
“Жайдарман” клубы – бұл жай ғана ойын емес, бұл әзіл арқылы қарым-қатынас жасаудың, білім алудың және бірігудің өмір салты! Бізге қосылып, студенттік өміріңізді ұмытылмастай жарқын етіңіз!
