"NOMAD" би клубы

NOMAD би клубы – бұл жай ғана би өнерімен шұғылданатын орта емес. Бұл – достар мен пікірлестер табуға, қолдау мен шабыт алуға болатын үлкен отбасы. Мұнда әрбір қатысушы өзіндік ерекшелігімен клубтың дамуына үлес қосады, тек би шеберлігімен ғана емес, түрлі салалардағы талантымен де ерекшеленеді.  

NOMAD клубы көптен бері жұмыс істемесе де, жыл сайын қатысушыларымыз өз дағдыларын жетілдіріп, клубтың деңгейін жаңа биіктерге көтеруде. Біз тек университет ішінде ғана емес, сондай-ақ қала көлемінде өтетін іс-шараларда да өнер көрсетеміз. Алайда, біз мұнымен тоқтап қалмай, облыстық, тіпті республикалық деңгейге шығуды мақсат етеміз. 

2024 жылы өткен Jastar Fest шығармашылық байқауында 2-орын алуымыз – осы мақсатқа жетудегі маңызды қадамымыз және жақсы нәтижелерге деген ұмтылысымыздың көрсеткіші болды. 

NOMAD клубының ерекшелігі – мұнда әртүрлі мамандықта оқитын және әртүрлі өнерге қабілеті бар жастардың басын біріктіруінде. Біз үшін талант тек биден тұрмайды, және біз алуан түрлілігімізбен мықтымыз. 

NOMAD – бұл тек би клубы ғана емес. Бұл сіздің қабілеттеріңізді ашатын, қолдау көрсететін және ортақ арманмен ұмтылған ұйымшыл ұжымның бір бөлігі болатын орта. Біз тек өнер көрсетіп қана қоймай, есте қаларлық тарихты бірге жазамыз!