«Жастар рухы» – бұл студенттерді шығармашылық, көшбасшылық және азаматтық жауапкершілікке жетелейтін ерекше жастар ұйымы.
Жастар Рухы КӨУ қабырғасында 2017 жылы ашылды.
Оның мақсаты – белсенді, жан-жақты дамыған, қоғамға өз үлесін қосуға дайын жастарды қолдау және олардың мүмкіндіктерін арттыру.
“Жастар рухының” негізгі міндеттері:
- Университетте көптеген іс-шараларды ұйымдастыру, белсенділеріміздің идеяларын жүзеге асыру;
- Студенттердің әлеуметтік бастамаларын қолдап, оларға өз идеяларын жүзеге асыруға көмектесу;
- Волонтерлік қызметті дамыту, қарттар үйіне, балалар үйлеріне көмек көрсету және қайырымдылық жобаларын жүзеге асыру;
- Жастар арасында патриотизм мен ұлттық құндылықтарды насихаттау;
- Басқа қалалардағы “Жастар рухы” филиалдарымен бірлескен челлендждер ұйымдастыру және ынтымақтастықты нығайту.
“Жастар рухына” қосыла отырып, сізге берілетін мүмкіндіктер:
- Ұйымдастырушылық және көшбасшылық дағдыларды дамыту;
- Жаңа достар тауып, белсенді студенттік қауымдастықтың бір бөлігі болу;
- Студенттік өміріңізді жарқын және есте қаларлық іс-шаралармен толықтыру;
- Әр түрлі тренингтер мен шеберлік сабақтарына қатысу арқылы жеке дамуыңызды жетілдіру;
- Қоғамға пайдалы әрекеттер арқылы өз үлесіңізді қосу.
“Жастар рухы” – бұл тек ресми ұйым ғана емес, жылы атмосферасы бар, әрбір студент өзін үйіндегідей сезінетін ерекше орта. Мұнда біз бейресми кездесулер өткізіп, әртүрлі ойындар ойнап, уақытты қызықты әрі пайдалы өткіземіз.
“Жастар рухы” – бұл белсенді студенттік өмірдің жүрегі. Бізге қосылып, өз болашағыңызды бірге құрыңыз!
