Қазақстан халқының кіші студенттік ассамблеясы – бұл түрлі ұлт өкілдерінен құралған жастардың бірлігі, олар өзара келісім мен достықты нығайтуға ұмтылады.
Қазақстан халқы Ассамблеясының үлгісі бойынша құрылған Кіші Ассамблея қазақстандық патриотизм мен азаматтық сананы қалыптастыруда маңызды рөл атқарады.
Біздің клубтың мақсаттары мен міндеттері:
- Мәдени көп түрлілікті сақтау және дамыту: Кіші Ассамблея Қазақстанда тұратын түрлі этностардың тарихын, мәдениетін және дәстүрлерін зерттеуге ықпал етеді.
- Мәдениеттер арасындағы диалогты қалыптастыру: Дөңгелек үстелдер, пікірталастар, фестивальдар сияқты іс-шараларды ұйымдастыру арқылы әртүрлі ұлт өкілдерінен тұратын студенттер бір-бірімен араласып, тәжірибе алмасып, ортақ нүктелер табуға мүмкіндік алады.
- Төлеранттылық пен басқа мәдениеттерге деген құрметті тәрбиелеу: Жастар айырмашылықтарды қабылдауға, басқалардың пікірін құрметтеуге және үйлесімді қарым-қатынас құруға үйренеді.
- Болашақ лидерлерді дайындау: Кіші Ассамблея студенттерге лидерлік қабілеттерін, коммуникация дағдыларын және ұйымдастырушылық қабілеттерін дамытуға мүмкіндік береді.
Негізгі қызмет бағыттары:
- Мәдени шаралар өткізу: Ұлттық ас мәзірлері фестивальдары, концерттер, көрмелер, байқаулар – бұл барлығы студенттерге әртүрлі халықтардың мәдениетімен жақын танысуға көмектеседі. Мысалы, университетімізде жыл сайын әр түрлі этностар туралы көп білуге мүмкіндік беретін KRU VISION вокалды байқауы өткізіліп тұрады, бұл халықтардың бірігуіне әкеледі.
- Білім беру жобаларын ұйымдастыру: Мәдениеттер арасындағы коммуникация, төлереранттылық және азаматтық белсенділік бойынша лекциялар, семинарлар, тренингтер.
- Әлеуметтік жобаларға қатысу: Ұйымдастырушылық іс-әрекет, қайырымдылық акциялары, экологиялық жобалар.
Кіші Ассамблея – бұл тек студенттік бірлестік емес, сонымен қатар диалог, ынтымақтастық және өзара түсіністік алаңы. Өз қызметі арқылы ол көп ұлтты қоғамымыздағы бірлік пен келісімді нығайтуға үлкен үлес қосады.
