12 қарашада Ө.Сұлтанғазин атындағы Педагогикалық институты, жаратылыстану пәндері кафедрасының жаңа химиялық зертханасында «Жаңартылатын энергия көздері» тақырыбында STEM-жобалар бойынша ашық сабақ мини-конференция форматында өтті.
Сабақ «Мектептегі оқыту мен бағалаудағы жаңа тәсілдер», «Экология және тіршілік қауіпсіздігі», «COURSERA платформасындағы оқыту әдістемесінің негіздері” курстары аясында өткізілді.
STEM-сабақ идеясы София қаласы (Болгария), Орман шаруашылығы университетінің профессоры Екатерина Тодорованың жақында болған сапары барысында пайда болды.
Модераторлар ретінде жаратылыстану пәндері кафедрасының өкілдері: қауымдастырылған профессор Ольга Чернявская, қауымдастырылған профессор Галина Ручкина және аға оқытушы Сергей Курлов қатысты.
«Химия», «Химия-Биология», «Биология-Химия» білім беру бағдарламасының 1 және 3 курс студенттері жаңартылатын энергия көздері мәселесіне шығармашылық көзқараспен қарап, өз жобаларын ұсынды.
Құзыретті комиссия жобалардың теориялық, практикалық, инженерлік-технологиялық, экономикалық, әлеуметтік және экологиялық аспектілерін бағалады. Кафедра меңгерушісі Гаухар Баубекова студенттердің идеяларын қолдап, STEM іс-шараларын тұрақты түрде өткізуге ұсыныс жасады.
STEM-сабағында академиялық ғылыми-техникалық концепциялар нақты өмір контексінде қарастырылатын интеграцияланған оқыту әдісі қолданылды. Іс-шара дұрыс таңдалған тақырып пен форматтың жоғары оқу орындары, мектеп және қоғам арасында білім беру көпірін қалай орнатуға болатынын көрсеткен жарқын мысалға айналды.
