Skip to content

Жаратылыстану пәндері кафедрасының студенттеріне арналған кешкі педагогикалық дәрісхана

Жаратылыстану пәндері кафедрасы Қостанай қаласының «Білімді ел» химия-биология мұғалімдері бірлестігімен, Жаратылыстану пәндерін оқыту мәселелерін зерттеу орталығымен бірлесіп «Қазақстан Республикасы Тәуелсіздігінің 30 жылдығы – Жастардың ұстаздық қызметте өзін-өзі дамытуы» жобасы аясындағы іс-шараларды аяқтады.

Оқытушылар мен студенттердің шығармашылық тобы кешкі педагогикалық дәрісхананың «Педагогикалық кездесу: студенттер білімін толықтыру» бағдарламасын жүзеге асырды. Қазақстанның шығармашыл ұстаздарымен өткізілген бірқатар қызықты кездесулер химия және биология мұғалімдерінің өзін-өзі дамытуының озық үлгілерін көрсетуге, білім беру ортасын пандемиялық кезеңнің стандартты емес жағдайларына бейімдеу және студенттердің біліктілігін арттыру бойынша тәжірибе алмасуға мүмкіндік берді. Ағымдағы оқу жылының нұсқау-әдістемелік ұсыныстары мынадай: оқу үдерісіндегі негізгі бағдар оқушыға бағытталуы тиіс, ал әрбір білім беру ұйымының міндеті – ұлттық және жалпыадамзаттық қасиеттерді үйлестіре отырып, оқушы тұлғасының үйлесімді қалыптасуы мен дамуы үшін қолайлы білім беру ортасын құру.

Жобаның лекторлық құрылымын Нұр-Сұлтан, Қостанай, Рудный қалаларының мамандандырылған және орта мектептерінің, ауылдық мектептердің, шағын жинақты мектептердің мұғалімдері ұсынды.

Ұсыныстар мен тілектерді қалдыру